2015/10/03

2 тэрбум жилийн настай Анагаах увдист Шунгит чулуу


Шунгитын Физик нөлөө ШУ болон анагаах ухаанд: шунгит нь цахилгаан дамжуулдаг, өндөр нягтралтай, химийн бодист тэсвэрт, каталитик, бусад бодисыг шингээх чадвар өндөртэй хар өнгийн эрдэст чулуу юм. Шунгит одоогоор зөвхөн ОХУ-ын Карелия БНУ-ын Онега нуурын эрэг орчимд илэрсэн байна. 1986 онд фулерен бүтэц бүхий молекулыг нээсэн эрдэмтэд Нобелийн шагнал хүртэж олны анхаарлыг татсаны дараа тус чулууны молекул бүтцийг 2003 онд нээсэн нь эрдэмтдийн гайхашралыг төрүүлээд зогсохгүй орчин үеийн анагаах ухаанд асар их найдлага төрүүлээд байна.

Зөвхөн вакум орчинд л үүсэх боломжтой молекулын фулерен бутэц чухам яаж яваад байгалийн шунгит эрдэст бий болсныг одоо хүртэл тогтоогоогүй байна. Үүнд хамгийн боломжит таамаглал нь дэлхий дээр унасан солирын нөлөөгөөр энэхүү эрдэс бүрэлдэн бий болсон гэж үзэж байгаа юм. Зарим эрдэмтэд энэхүү чулуу нь өнөө устаж үгүй болсон ч балар эртний далайн усанд байсан олон төрлийн организмтай нэгдсэнээс ийнхүү бүтэцтэй болсон ч гэж үзэж байна. Гэхдээ чухам яагаад энэ чулуу ийм их эерэг нөлөөтэй, ашиг тустай бүтэц бүхий болсныг баттай тогтоогоогүй байна.
Шунгит нь фулерен бүтэц бүхий молекултай чулуу учраас хүчтэй үл исэлдүүлэгч нөлөөтэй эрдсээр өөртэйгээ эн тэнцэх өрсөлдөгчгүй байгалийн эрдэс гэж олны анхаарлыг татаад байна.


Харин оросын ард түмэн тус чулууг маш эртнээс амьдрал ахуйдаа тус болгон хэрэглэж ирсэн баримт бий. Зарим судлаачид Оросын үлгэрт гардаг амьд усыг чухам Шунгитын ус байсан гэж үзэж байгаа нь энэ ус үнэхээр алс холын хойд нутагт орших уулс, нууруудын дундаас зөвхөн Онега нуурын орчимд байдагтай холбон тайлбарладаг.   


Шунгитээр цэвэршүүлсэн ус хүнд метал бактери, микробоос ангижруулаад зогсохгүй эрч хүч, энергиэр цэнэглэх  хэлзбэлзэлтэй болгодог. Зөвхөн фулерены ашиг тус сэдвээр мэдээлэл хайвал танд ямар ашиг тустай болох талаар асар их мэдээллийг интернэтээр олж болно. Энэ нь бидний биед нөлөөлөх үед хорт хавдар, хөгшрөлтийг үүсгэдэг чөлөөт радикалтай маш хүчтэй тэмцдэг анти оксидант болдог. Орост тус чулууг 1700-д оны үед нээн илрүүлснээс хойш энэ талаар олон баримт мэдээлэл бичигдэж үлдсэн байна. 1709 онд Оросын Шведтэй байлдсан Полтава /Battle of Poltava/ тулалдааны үеэр цэргүүдийн дунд цусан суулгалт өвчин гарсан бөгөөд Петр хаан бүх цэргүүдийнхээ усыг шунгитээр цэвэршүүлж хамгаалж чадсан бол шведүүд тус чулууны ашиг тусыг мэддэгүй байсан учраас олон цэргээ алдаж ялагдсан түүхтэй.

Юуны өмнө шунгит цахилгаан соронзон долгионы эсрэг хүчтэй хамгаалалт болдог учраас цахилгаан тоног төхөөрөмж, бараа, компьютер, гар утас, ТВ зэргээс үүсэх хорт долгионыг сайн саармагжуулдаг. Үүнээс гадна шунгитын нөлөө харшилтай тэмцэх маш сайн хэрэгсэл болдог ажээ. Орост хийгдсэн харшил, экземын гаралтай 69 өвчтөнд шунгиттай усаар эмчилгээ хийхэд 52 өвчтөнд хүчтэй эерэг нөлөө, 15 өвчтөнд сул нөлөө, 2 өвчтөнд нөлөөгүй гэсэн үр дүн гарчээ. Мөн хүнд бодис, үйлдвэрийн спирт бүхий усыг шунгитээр цэвэршүүлсэн туршилт ч хийсэн байна.

Цаашлаад шунгит хүний биед анагаах нөлөө үзүүлэхээс гадна сэтгэл хямрал, уй гашуу, сөрөг энергийн эсрэг маш сайн тэмцдэг болохыг баталжээ. 2004 онд ОХУ-ын Умард Осетийн Беслан хотын 1-р сургуульд болсон аймшигт аллагын дараа буюу 2006 онд сургуульд амьд үлдсэн хүүхдүүдэд туслах зорилгоор шунгит бүхий өрөөг засч бий болгожээ. Энэ чулуу тэнд үлдэгсдийн сэтгэлийг засч, инээмсэглэл, эерэг байдал эрс дээшилсэн учраас шунгит-комфортер буюу сэтгэл засагч нэрийг авсан байна.  Шунгитээр засч гоёсон өрөөнд оруулсан хүний гэрлийн спектрийг шалгаж үзэхэд хугарсан гэрлүүд бүрэн болж дээрдсэн туршилт мөн судалгаанд байдаг. 


Шунгитыг ревматик артрит, остеоартрит, булчин ясны гаралтай өвчлөлүүд /musculu-skeletal disorders/, элэг бөөрний өвчлөлүүд, GI өвчлөл, толгой өвдөх, нойргүйдэх, нуруу болон тулгуур эрхтний өвчин, цусны даралтын өвчнүүд, халдварт болон үрэвслийн гаралтай өвчин зэрэг олон өвчний эсрэг анагаах байгалийн шилдэг хэрэгсэл болдог ажээ. Үл исэлдүүлэгчийн хүчтэй нөлөөтэй учраас арьсны хөгшрөлт, ус уналт, хугаралт, яр шарх зэрэгт маш сайн нөлөөтэй болох нь тогтоогджээ.  

Шунгитын нөлөө энергийн болон спиритуал орчинд.

Чулууны энерги, аура судлаачид шунгит чулуу сүнслэг ертөнцийн энергийг газарт шингээдэг, буулгадаг гэсэн дүгнэлтэд хүрчээ. Шунгит Гэрлийг хүний аура орчинд авчирдаг учраас маш сайн энергийн хамгаалагч гэж үздэг. Хэдийнэ бий болсон сөрөг энерги бие сэтгэлд байвал тус энергийг сорж авч үгүй хийж чаддаг хүчтэй чулуу гэж энерги судлаачид туршилтаар баталжээ. Өөрийгөө чулууг маш сайн мэддэг гэх Адам Гарсиа хэмээх хүү шунгитын нөлөөг өөрийн мэдрэмжээр хэлсэн байна. Үүнд Шунгит нь бусад эрдэс чулуунаас ялгаатай нь органик бодисын бүтцийг агуулсан учраас маш хүчтэй нөлөөтэй. Ясны болон өвдөлт ихтэй өвчинд сайн, бүх чакраны засалд сайн байна. Цахилгаан соронзон орны хорт нөлөөнөөс хамгаалахаас гадна, энергийг цэвэрлэх, сөрөг нөлөөнөөс хамгаалах үйлчилгээтэй гэжээ. 


Харин ОХУ-ын зөн билгийн тулааны албан ёсны хуудсанд тус чулууг “НАРИЙН ЭНЕРГИЙН ЕРТӨНЦ РҮҮ ХҮРГЭГЧ” гэж тодорхойлсон байна. / www.bitva-extrasensov.su/ Тиймээс чулууг бясалгал, төвлөрөл болон янз бүрийн үйлдэлдээ хүмүүс сайн ашигладаг ажээ. Чулууны дүрс өөрөө энергийн урсацын чиглэлийг өөр өөр болгодог учраас тус чулууг төрөл бүрийн дүрсээр хийж, төрөл бүрийн зорилгоор ашигладаг байна.

Чулууны хэлбэлзлийг мэдэрдэг гоц мэдрэмжтэй хүмүүс тус чулуу нарийн ертөнцөд нил ягаан буюу хайрын хэлбэлзэлтэй бөгөөд энергийн шилжилтэд орсон дэлхийн энергийн хөдөлгөөнтэй ижил түвшинд хэлбэлзэж буй өндөр давтамж бүхий энергитэй гэж үзсэн байна.
Ашигласан вэбсайтууд:
www.bitva-extrasensov.su
www.shungite-anata.com
www.healing-crystals-for-you.com
www.psychictapestry.com
http://nsportal.ru/ap/library/nauchno-tekhnicheskoe-tvorchestvo/2014/10/06/issledovatelskiy-proekt-po-khimii-po