2015/11/24

СҮНСЛЭГ ХӨГЖЛИЙН 5 ТҮВШИН БУЮУ ГЭГЭЭРЭЛД ХҮРЭХ ЗАМ


Сүнслэг хөгжлийг 5 Skandha (урсгал бүрд өөр өөр нэрээр нэрлэдэг) буюу 5 түвшний ойлголтоор хэмждэг. Хамгийн эхний түвшин бол физик ертөнц, бие махбодийн дур хүсэл, хэрэгцээ шаардлагыг зохицуулах буюу ангижрахтай холбоотой байдаг. Тэгээд дараа дараагийнх нь гарч ирнэ. Сканда бүр дотроо маш нарийн шинж тэмдгүүдийг агуулдаг. Эд нарыг сайтар мэдэж авснаар өөрийн түвшнийг сайтар мэдэж, прогрессоо ахиулах боломжтой болно. Энэ бүх түвшнийг сонирхолтой түүх хэлбэрээр тайлбарласан Чин Хай багшийн лекцийг оруулж байна. 

ХИЛ ХЯЗГААРУУД – ӨӨРИЙГӨӨ ХАЙРЛАХ СҮҮЛЧИЙН ХЯЗГААР


“Хил хязгаар” гэх үг нь хүний ухамсарын нэгдэлийн сүнслэг хийгээд сэтгэл санааны холимог байдалыг илэрхийлж байгаа юм. Олон хүмүүст, энэ нь хэн нэгний зүрхний төв дэх хүчтэй мэдрэмжүүдийн түлхүүр тэмдэгүүдийг санагдуулам Пандорагийн хайрцаг* шиг төсөөлөгдөх байх. 

2015/11/23

5 ХЭМЖЭЭСТ ЕРТӨНЦ - BY BASHAR


Башар бол гайхамшиг. Тэр сүнслэг болон шинжлэх ухааны маш олон тайлагдашгүй, нууцлаг асуултуудад баттай хариулт өгдөг гайхалтай эх үүсвэр, дуу хоолой юм. Энэ удаад 5 хэмжээст ертөнц, ухамсар, энерги, паралель ертөнц, шилжилтийн талаарх лекцүүдийнх нь хэсгийг та бүхэнд хүргэж байна. 

2015/11/20

ИХЭР СҮНСЭЭ ХЭРХЭН ДУУДАХ ВЭ?


Миний сүнсний хөтөч Каан 2014 оны 7-р сард намайг нойрноос минь сэрээснээр энэ бүхэн эхэлсэн юм. “Удаан Америк хүн минь, босоорой. Америкчууд та нар яагаад ингэтлээ их унтацгаадаг байна аа?! Зам мөрөө дагаж явах чинь чухал зүйл шүү дээ. Чи энэ сүнслэг аяллын замыг ганцаараа туулах учиргүй...” гэж тэр намайг хайр найргүй угз татан сэрээхдээ хэллээ. “Одоо бас юу гээд унав аа?” гэж би хөнжил доороосоо бувтнав. 

2015/11/16

3 хэмжээст ертөнцөөс 5 хэмжээстэд шилжих нь


Та бүхний сайн мэдэж буйгаар дэлхий маань 3D-с 5D хэмжээс рүү шилжих шилжилт маш эрчимтэй явагдаж байна. Иймээс хүн тус бүр төдийгүй, хүн төрөлхтөн тэр чигээрээ сүнслэг хөгжлийн хоёрдмол чанараасаа салах шаардлагатай. Хоёрдмол шинж чанар гэдэг нь сайн муу, хар цагаан гэж юмыг ангилах, одоо, өнгөрсөн, ирээдүй гэх мэт цаг хугацаанд баригдмал байх зэрэг ухамсрын хязгаарлагдмал, эрс тэс шинж чанарууд юм. Та эготойгоо ажиллаж, бага насны сөрөг итгэл үнэмшил, дурсамжуудтайгаа нүүр тулж, шийдвэрлэх цаг дууссан. Үүний оронд ОДОО ЦАГ-таа байж, бүхий л сөрөг сэдэл, мэдрэмжүүдтэйгээ нүүр тулах нь чухал. “Одоо” нь сэтгэл зүйн нэгдэлд хүрэх хамгийн чухал хэсэг юм. Сүүдэр би буюу өөрийн дарагдмал, нууцлагдмал зан чанар, итгэл үнэмшилтэй нүүр тулж ажиллах нь маш бэрхшээлтэй. Хэрэв та 3 дахь хэмжээст дээр яваа бол сүүдэр би буюу сөрөг итгэл үнэмшлүүдтэй ажиллах, эгогоо ажиглан тулалдах нь үнэхээр гайхамшигтай үр дүнтэй байх юм. Та хэдий хэр их сэргэг ухамсартай байна төдий чинээ одоо цагтаа байж сүнслэг хөгжлөө ахиулах боломжтой.

2015/11/12

ӨНДӨР ДАВТАМЖТАЙ БАЙГААГИЙН 12 ШИНЖ ТЭМДЭГ


Бүх зүйл энергиэс бүрддэг бөгөөд энергийн давтамж гэдэг бол орон зайд шилжилт хийж буй энергийн хөдөлгөөн юм. Энергийн давтамж бидний амьдрал ямар байхыг тодорхойлж байдаг чухал ач холбогдолтой. Таталцлын хуулийн дагуу бидний энергийн давтамж ямар байна, бид тийм л амьдралыг бүтээдэг. Энергийн давтамж сул байх тусам сэтгэлд нийцэхгүй олон үйл явдал амьдралд тохиолддог. Гэхдээ цаг мөч тутамд хэлбэлзэл давтамж өөрчлөгдөж байдаг. Нөгөө талаас сул давтамж нь бидний бодол, зан төлөв болохгүй байнаа гэдгийг сануулж байдаг.  Харин өндөр давтамжтай үедээ энэ үеийг удаан хугацаанд үргэлжлүүлэх нь чухал. Ингээд өндөр давтамжтай байгаагийн 12 шинж тэмдгийг та бүхэнд танилцуулья.

2015/10/25

Урьд насны учралын 6 шинж тэмдэг


Бид дэлхий дээр маш олон удаа төрж маш олон олон хүмүүстэй энэ төрөлдөө эсвэл өмнөх төрлүүддээ уулзаж байсан байдаг. Тэр таны өстөн дайсан, гэр бүлийн чинь гишүүн, найз, эхнэр (нөхөр), эсвэл бүр хамт олны чинь ч нэг байсан байж болно. Бид тухайн хүмүүстэй уулзах бүрд бидний нөхөрлөлийн хэв маяг өөрчлөгдөж байдаг. Өөрөөр чиний эгч өмнөх төрөлдөө чиний сайн найз эсвэл бүр эмээ чинь ч байсан байж болно. Хэрэв та ухамсараа сэргээж өөрийн болон бусдын дотоодтой холбогдох чадвартай болсон бол үүнийг мэдэхэд хялбар. Ийм түвшинд хүрсэн хүмүүс хүний урьд насыг харж байгаад зарим хүмүүстэй хэдэн арав тэр ч бүү хэл хэдэн зуун удаа ч уулзсан болохоо мэддэг гэнэ. Хэрэв та ийм түвшинд хүрээгүй бол мэргэжлийн хүнээр ховсдуулж, эсвэл шинж тэмдгүүдээр нь тухайн хүнтэй уулзаж байсан эсэхээ мэдэж болно.

2015/10/14

Нүүрэн дээрх мэнгэнүүд


Мэнгэ нь өмнөх амьдралын тэмдэг, ирээдүйд болзошгүй аюулаас сэргийлэх дохио төдийгүй хүний ааш араншинг тодорхойлогч, илэрхийлэгч болж өгдөг. Тийм ч учраас гэр доторх тавилгууд байршлаасаа хамаараад өөр өөр нөлөөлөлтэй гэж фэн шуйд үздэгийн адил эртний хятад болон астрологийн хувьд мэнгэ нь байршлаасаа хамааран өөр өөр утга санааг илэрхийлдэг гэж үздэг. 

2015/10/06

Махбодь дээр тулгуурласан зөв хооллолт


Хооллолт  бол эрүүл энхийн үндэс нь билээ.  Хүнсний бүтээгдэхүүнүүд нь бидний амьдралын үйл явцыг зохицуулдаг энерги гэж хэлэхэд ч хилсдэхгүй.  Бидний идэж уусан болгон тодорхой нэгэн энергийг биед өгч, тодорхой нэгэн эрхтнийг тэтгэдэг. Хүнсний бүтээгдэхүүн бүр өөрийн гэсэн шинж чанартай бөгөөд бидэнд тэр төрлийнхөө зан аашийг улам бадрааж, амьдралд нөлөөлөдг. Энэхүү нийтлэлд байгалийн 4 махбодь хүний эрүүл мэнд, сэтгэл санаанд хэрхэн нөлөөлдөг болох, биеийн ерөнхий байдлыг махбодид тулгуурласан бүтээгдэхүүнээр засах талаар та бүхэнд танилцуулна. 

2015/10/03

2 тэрбум жилийн настай Анагаах увдист Шунгит чулуу


Шунгитын Физик нөлөө ШУ болон анагаах ухаанд: шунгит нь цахилгаан дамжуулдаг, өндөр нягтралтай, химийн бодист тэсвэрт, каталитик, бусад бодисыг шингээх чадвар өндөртэй хар өнгийн эрдэст чулуу юм. Шунгит одоогоор зөвхөн ОХУ-ын Карелия БНУ-ын Онега нуурын эрэг орчимд илэрсэн байна. 1986 онд фулерен бүтэц бүхий молекулыг нээсэн эрдэмтэд Нобелийн шагнал хүртэж олны анхаарлыг татсаны дараа тус чулууны молекул бүтцийг 2003 онд нээсэн нь эрдэмтдийн гайхашралыг төрүүлээд зогсохгүй орчин үеийн анагаах ухаанд асар их найдлага төрүүлээд байна.

2015/09/25

ТЭРСЛҮҮ ЧАНАРЫН ДҮРЭМ


Бусадтай адилхан байх сайхан гэж үү? Амьдралын мөн чанар амьдрахад тэр дундаа өөрийнхөөрөө, зорилго тэмүүлэл дүүрэн байж сүнсний буюу зүрхний гүнээс урган гарах мөн чанараар өөрийгөө цогцлооход оршдог.

ЭНЕРГИ ДЭЭШИЛЖ БУЙН 5 ШИНЖ ТЭМДЭГ


Олон хүмүүс амьдралын тогтсон хэв маягаас салж байна. Энэхүү нийгмийн суурь зарчим, ойлголтууд худал хуурмаг гэдгийг мэдэрч байна. Өмнөх ойлголт, зарчмууд биднийг нэгэн хэвийн загварт оруулж, хувь хүний өвөрмөц, онцлог байдлыг үгүй хийж байсан. Эдгээр өөрчлөлтүүд ямар шинж тэмдгүүдээр илрэн гарч байна вэ? 

2015/09/22

Ихэр Сүнсний талаарх бүх мэдээлэл


“Заяаны хань” гэх нэр томъёог бид бүхэн сайн мэднэ. Энэ талаар сүүлийн үед дэлхий нийтээрээ ч их сонирхох болсон. Англиар “ Twin flame буюу Ихэр Сүнс”, “Soul Mate буюу Сүнсний хамтрагч”-н талаар та юу мэдэх вэ? Тэд үнэхээр үнэн боловуу? Яаж Сүнсний хамтрагчидтайгаа, Ихэр сүнстэйгээ учирсанаа мэдэх вэ?  Хэн нэгэнтэй учирсан учрал хэдийн богино ч гэлээ, бас хэдий утгагүй байсан ч, та үүнийг зүгээр л нэг тохиолдолын хэрэг гэж бодож байвал эндүүрэл юм. Энэ нь бидэнд ихэвчлэн өөрийгөө таниж мэдэх, судлах, олон боломжуудыг нээж өгдөг. Магадгүй та үүнийг төдийлөн тоохгүй анзаарахгүй байлаа ч гэсэн энэ бүхэнд ямар нэгэн далд давхцал, тохиолдолууд таарч байгааг анзааран, өөр түвшиний байдлаар ухамсарлаж, ойлгож эхлэнэ.

2015 ОНЫ 9 САРЫН 28-НД ГАЛАКТИКЫН ЦӨМӨӨС АСАР ХҮЧТЭЙ ЭНЕРГИ ИРНЭ


Танай дэлхий тун удахгүй Галактикийн Цөмөөс чиглэн ирж буй маш хүчтэй гамма гэрлийн долгионд орох гэж байна. /The Pleroma/ Энэ нь Дэлхийг болон түүн дээр орших амьд бүхэнд нөлөөлөх юм. Бид хэдийнэ энэхүү сансрын гамма эрчимд /WAVE X ч гэх/ орсон байгаа бөгөөд та нарын дунд олон хүмүүс энергийн их хэлбэлзлийг мэдэрч байгаа байх. Энэ хэлбэлзэл 9 сарын 28-ыг дуустал тохионо. Энэ өдөр тус хэлбэлзэл хамгийн өндөр оргилдоо хүрэх юм. Үүнийг хүн төрөлхтний хөгжилд хөтлөх “Үйл Явдлын Хаяа” гэж нэрлэж болно.  Гэсэн хэдий ч шинэ Дэлхий холограм–матриц бүхий системтэй хэвээр байх ч гэсэн 300 000 жилийн турш ноёлж ирсэн хуучны сүлжээс задарч байгаа юм. 

2015/09/05

Аура Алхим дасгал


Сүүдэр бие буюу өөрийн эго, сөрөг итгэл үнэмшлүүдтэйгээ тулж даван туулсны дараа яах вэ? Хүн өөрийн далд ухамсарт буй дурсамжуудыг суллаж, дотоодтойгоо ажиллаж дууссаны дараа ч гэсэн сэтгэл зовиуртай байх нь бий. Сүүдэр бие тэр чигээрээ алга болдоггүй. Энэ бол таны нэг хэсэг. Та тэр хэсгийг ухамсарлаж, анхааралдаа авч, гэрлийг тусгах замаар өөрийн нэг хэсэг болгож байгаа юм. Та өөрийн дотоодод буй хамгийн том дайсан, мангастай нүүр тулсны дараа “одоо яах вэ” гэж асууж байгаа бол одоо өөрийн гэрлэн биетэйгээ учрах цаг иржээ. Цаг нь ирэхээр багш гарч ирдэг гэдэг бөгөөд өөрийн гэрлэн бие буюу жинхэнэ мөн чанарыг таних цаг иржээ.

2015/08/26

Хүний нарийн биеүд


Бид хүртэгдэж мэдрэгдэх физик буюу махан биетэй. Гэвч хүн зөвхөн махан биетэйгээр барахгүй өөр олон бие байдаг байна.  Эртний соёл иргэншлүүдэд хүнийг физик биеэс гадна өөр нарийн биетэй болохыг аль эртнээс мэдэж байжээ. Хүнийг 7 биетэй хэмээн эзотерик сургуулиудад зааж сургадаг. Теософийн удиртал ба нарийн төлөвлөгөө хэмээх сайхан номнуудыг бичсэн онолын физикч Энтөни Мертон хүний 7 биеийг зааж нэрлэсэн нь: Физик, Эфир, Астрал, Ментал, Каузал, Буддик, Атми биеүд юм. Эдгээрийн талаар нарийвчлан авч үзье.

2015/08/13

НАСАН ЭЦЭСЛЭХИЙНХЭЭ ӨМНӨ ХЭЛСЭН ЭМЭЭГИЙН 12 ЗАХИАС
Хэдэн жилийн өмнө Зелда эмээ маань 90 насандаа хорвоогоос хальсан юм. Эдгээр он жилүүдэд талархан суухийг минь мэдэж өөрийн байшин дахь янз бүрийн зүйлсээр дүүрэн  нэгэн хайрцгийг тэр надад үлдээсэн юм. Тэрхүү хайрцагтай зүйлс дунд хуучин арьсан хавтастай “Зоригжуулагч тэмдэглэл” хэмээн нэрлэсэн нэгэн дэвтэр байсан юм.
Өөрийн амьдралынхаа хагасаас эхлэн хөтөлж ирсэн энэ л дэвтэрт тэрээр өөрийн санаа бодол, уриа, дууны үгс гээд л өөрийг нь сэргээж өгдөг бүхнийг бичсэн байсан юм. Өөрийнхөө тэр л дэвтэр дээрх зүйлсээсээ ишлэн уншиж, түүнийг нь сонсож лавлан асуусаар би өссөн юм. бага байхаас минь эхлэн өнөөгийн энэ зэрэгтэй хүн болгосон эрдэм ухааныг өвлөсөн авсан учир би эмээдээ өртэй билээ.
Тиймээс өнөөдөр би та бүхэнд энэхүү Урам зориг хайрлагч ишлэлүүдээс хүргэхийг хүслээ. Өөрийнхөө чадлаар ангилж, засварлан дахин шинэчлэн 12 үндсэн хэсэгт орууллаа. Таалан болгооно уу.
1.       Ирээдүйг тосон авч, өнгөрснийг үдэн явуул. Чи хаана ч бай, хаашаа ч явсан үргэлжид хонгилын үзүүрт гэрэл байдаг гэдэгт итгээрэй. Хэзээ ч бүү хүлээ, тааварла, хүсэн шанал. Өөрийнхөө хувьд хамгийн сайнаар л хий, өөрийнхөө удирдаж чадах бүхнээ л удирд, бусдыг нь зөнд нь орхи. Учир нь чи нэгэнт өөрийн чадах зүйлсээ хийсэн хойно тухайн зүйл сайн ч бай муу ч бай тохиолдоод л өнгөрнө, цаг нь ирсэн үедээ л чамайг дараагийн алхамдаа юу хийх хэрэгтэйг харуулах болно.
2.       Амьдрал бол ахиад л энгийн зүйл. Нэг цаг хугацаанд нэг л зүйл дээр төвлөр. Чи нэгэн зэрэг бүгдийг нь хийж чадахгүйгээс хойш. Амьсгаа ав, одоо цагтаа орш, яг өөрийнхөө өмнөх зүйлсээ л хамгийн сайнаар хий. Чи амьдралд юуг оруулна тэр зүйлийг чинь амьдрал хэд дахин ихэсгэж өгөх болно.
3.       Ямар ч тохиолдолд бусдыг байгаагаар нь байлга. Хоолой чинь чичирч байлаа ч гэсэн үнэнийг л ярь. Өөрийнхөөрөө л бай, тэгснээр чи энэ дэлхий дээр урьд өмнө нь байгаагүй тийм гайхамшигтай зүйлийг бий болгох болно. Бусад хүн чамайг ойлгоно гэж горьдлого төрүүлэлгүй өөрийнхөө замаар итгэлтэй алх, ялангуяа чиний очихоор зорьсон газар өмнө нь байгаагүй хэн нэгнийг тухайд.
4.       Чи яг өмнөхөөрөө байхгүй. Тиймээс бүх зүйл ОК. Чи маш их зовсон байж болно, тоо томшгүй олон өгсөлт, уруудалтын үр дүнд ӨНӨӨДРИЙН ЧАМАЙГ бий болгосон юм. Улиран одсон жилүүдэд маш олон зүйлс тохиолдон чиний амьдралыг харах өнцгийг өөрчлөн, чамд хичээл болон чиний сүнсийг хөгжүүлсэн. Цаг хугацаа өнгөрөх тусам хэн ч нэгэн хэвээрээ үлддэггүй, гэтэл зарим нэгэн нь чамд ЧИ ӨӨРЧЛӨГДӨЖ ЭЭ гэж хэлж мэднэ. Тэдгээр хүмүүст зүгээр л “Мэдээж би өөрчлөгдсөн. Энэ чинь л амьдрал шүү дэ. Гэхдээ би хүн хэвээрээ, урд өмнө байснаасаа сайжирч илүү болсон” гэж хариулаарай.
5.       Бүх л зүйлс чамайг өсч дээшлэхэд тусалдаг, яг одоо хэцүү мэт санагдаж байгаа зүйл хүртэл шүү. Нөхцөл байдал чамайг чиглүүлэн зассаар өмнө нь байгаагүй ТӨГС чамайг бүтээдэг. Тиймээс чи юу ч хийж байлаа гэсэн итгэл найдвараа хадгал.  Нарийнаас нарийн сорилт, бэрхшээл эрчлэн эрчилсээр хэзээ ч үл тасрах олсыг бүтээх болно. Итгэл найдварын зангуу чинь өөрчлөлтийн давлагаагаар чамайг амар амгалангийн эрэгт хүргэх боломжтой юм шүү.
6.       Баян байхад бүү суралц, харин АЗ ЖАРГАЛ-тай байхад суралц. Ихийг туулж нас ахих үед амьдрал дахь зүйлсийн ҮНЭ-ийг бус ҮНЭ ЦЭНИЙГ нь мэдэх болно. Хамгийн сайхан өдрүүд туйлын эсвэл онцгой зүйлс гэлгүйгээр чамайг инээмсэглүүлсэн тийм л энгийн өдрүүд юм  гэдгийг эцэст нь ухаарах болно. Хором бүр дэх энгийн зүйлүүдэд таларх, илүү зүйлс хайх хэрэггүй, түүнээс илүү үгүй. Аз жаргал гэдэг ердөө л энэ.
7.       Өөдрөг бай. Зовлон шаналал бол чиний нөхцөл байдал биш харин чиний хандлага гэдгийг ойлгож аваарай.  Чиний урмыг хэн хугалж чамайг өвтгөнө тэдний зүг харан инээмсэглэ, тэдэнд өөрсдийнх нь амьдралд юу дутагддагийг харуул, тэд үүнийг чинь чамаас яагаад  ч авч чадахгүй.
8.       Өөрийн ач холбогдол өгдөг зүйлсдээ илүү анхаарал хандуул. Заримдаа хайртай хүн чинь “Би зүгээр” гэж хэлэхэд нь чи тэдний нүдрүү нь хараад чангаас чанга тэврээд “Сайнгүй байгааг чинь би мэдэж байна” гэж хариулаарай. Чамайг хэрэг болохоор л чамайг санадаг хүмүүсийг хараад сэтгэл гонсойх хэрэггүй. Тэдний амьдралд харанхуй нүүрлэх цагт санаанд нь орж ирдэг чиглүүлэгч гэрэл гэдгээ мэдэр.
9.       Зарим нэг хүнийг өөрөөсөө явуулснаар тэд өсөж хөгждөг. Учир нь амьдралд чи заахаас илүүтэй тэд өөрсдөө суралцах нь тэднийг амжилттай хүн болгодог
10.   Заримдаа өөрийнхөө хүссэн үр дүнг олж авах нь чиний туйлын хүслийг үл дэмжигч хүмүүсийг ялгаж өгдөг.   Энэ нь чиний хувьд хамгийн сайн хувилбар байж болох чамайг дэмждэг хэн нэгний орон зайг гаргаж өгдөг юм.  Чамайг бага багаар өсөн дээшлэхэд энэ бүхэн тохиолдоно. Чи хэн бэ, чи юуг хүсч байна гэдгээ олсноор чиний мэдэх тэдгээр хүмүүс харж байгаар чинь харахгүй байгааг олж ухаарах болно. Өөрийн гайхамшигт дурсамжуудаа тээн өөрийгөө урагшлуул.
11.   “Үүнийг би хийсэндээ итгэхгүй нь” гэж өнгөрснөө эргэн харж хэлэх нь “Би үүнийг хийх юмсан” гэдгээс илүү. Эцэст нь, хүмүүс чамайг шүүмжилсээр л байх болно. Бусдад сэтгэгдэл төрүүлэхийн тулд амьдрах хэрэггүй. Харин түүний оронд өөртөө л сэтгэгдэл төрүүлэхээр амьдар. Бусад хүнийг хайрладгаас багагүйгээр өөрийгөө хангалттай их хайрла.
12.   Хэрэв чи аз жаргалтай төгсгөлийг хайж байгаа бол түүнийг хэзээ ч олохгүй, магадгүй энэ нь шинэ эхлэлийг хайх цаг. Өөрийгөө үл тоох нь цаг тутам алдаа гаргахад хүргэдэг. Тиймээс хүчирхэг хүмүүс бусдаар өөрийгөө үл унтраалгахаар шийдэн шинэ эхлэлийн зүг инээмсэглэн зогсдог.
http://peacefulwarriors.net/12-things-my-grandmother-told-me-before-she-died/


2015/08/12

ЭГО хяналтаас гарсны 7 шинж тэмдэг


ЭГО-г ойлгох нь бага зэрэг ярвигтай байдаг учир аль болох энгийн байдлаар тайлбарлая. Эго гэдэг нь таны өөрийн талаарх тогтсон ойлголт буюу хувийн имиж, дүр төрх юм. Эго таныг бусдаас салангид тусгаар хүн мэт санагдуулахад хүргэдэг. Энэ бол таны "БИ" гэх ойлголт бөгөөд ихэнх хүмүүс өөрийгөө "БИ"-гээр тодорхойлдог. Эго бол таны сүнс, дээд би биш бөгөөд харин дээд би-гийн физик ертөнцөд буюу хүний ертөнцөд хувь хүн байхын тулд зүүсэн маск, өмссөн хувцас төдий зүйл юм. Эго нь дээд би-гийн хайрлах мөн чанарыг халхлан далдалдаг учраас эго их байх тусам дотоодоос ундрах хайр, хүнлэг чанар дарагдахад хүрдэг. Эго хэдийгээр чухал хэрэгцээтэй хэдий ч хэрээс хэтэрсэн тохиолдолд хайраас нүүр буруулж, хүнлэг бус үйлдэл хийхэд хүргэх нь бий.

2015/08/11

Сүнснүүдийн илгээхийг хүсдэг 7 нийтлэг мессеж

Ойр дотны хүмүүсээс чинь нас барсан бол тэдний сүнс танд юу гэж хэлэх байсан бэ? Дүгнэж цэгнэж шүүдэг болов уу? Эсвэл тэдний хэлэх үгс уй гашуугаар дүүрэн байх болов уу? Ховс болон сүнстэй ярилцах ур чадвар /psychic medium/ бүхий хүмүүсээр дамжуулан ирж буй тохиолдлуудаас үзэхэд энэ дэлхийгээс одогсод нийтлэг 7 мессежийг өгдөг ажээ.

2015/08/04

Мутраар болон өнгөөр эмчлэх аргууд


Өөрийн гарын хуруунуудыг янз  бүрын байдлаар нугалан барьснаар биеийн эд эрхтэнүүдийн зарим хэсгийнх нь энергийн урсгал нээгдэж, зарим эрхтэний энергийг хааж хуримтлуулдаг байна. Энергийн дотоод энэ урсгалыг зохицуулж зарим нэг өвчин эмгэгийн явцыг зогсоох, эдгэрүүлэх арга ухааныг эртнээс хэрэглэж ирсэн учир мутрын эмчилгээ нь уламжлалт анагаах ухааны нэг салбар болж чаджээ. Хуруунуудыг эмчилгээний маягаар нугалаж сурах нь тийм ч хүнд бус  бөгөөд мутраар эмчлэх үед өөртөө шууд, харин өөр хүнд өвчтөнд түүний гар хурууг та гаднаас нь барьж өгч байрлуулан тусалж болно. 

2015/07/30

Хэрхэн өөрийн сэргэг ухамсрыг нэмэгдүүлэх буюу ухамсраа сэргээх вэ?


Ухамсраа сэргээх олон төрлийн арга байдаг төдийгүй хүн бүрийн хувьд өөр өөр байх нь бий. Энэхүү нийтлэлээр дамжуулан та бүхэнд ухамсрыг сэтгэл судлалын үүднээс тайлбарласан ойлголтууд, ухамсрыг сэргээх үндсэн аргуудыг хүргэж байна. 

2015/07/29

Никола Теслагийн 100 гаруй жилийн туршид нууцлагдсан ярилцлага


XIX-XX зууны хамгийн суут хүмүүсийн нэг болох Никола Тесла нь /1856-1943/ нь Серб гаралтай Америкийн эрдэмтэн бөгөөд 8 хэлээр ярьж, аливаа зүйлийг фото зураг хэлбэрээр цээжлэн тогтоодог, шинэ санаа, гэнэтийн нээлтээ нүдний өмнө гялбах цагаан гэрлийн тусламжтайгаар маш нарийн нэг бүрчилсэн байдлаар зурагчлан харж хүлээж авдаг байсан байна. Тэрбээр хоногт 2 цаг унтаж, бусад үед тасралтгүй ажилладаг байв. Амьдралдаа нэг ч удаа гэрлэж байгаагүй түүнийг ойр дотны хүмүүс нь сэтгэл татам инээмсэглэлтэй, зөөлөн, дулаан хүн байсан хэдий ч заримдаа дургүй зүйлээ тэвчиж чаддаггүй, хурц шүүмжлэлтэй хүн байсан гэж дурссан байдаг. 

2015/07/25

Солонгон аура


Яагаад сүүлийн үед маш олон хүүхэд солонгон ауратай төрж, хүмүүс солонгон ауратай болж хувирч байна вэ? Солонгон аураны зорилго бол Дэлхий дээр үүсээд буй хоёрдмол шинж чанар, эрс тэс байдлыг үгүй болгох явдал юм. Ингэснээр бид 5 хэмжээст ертөнцөд нийцэн орших боломжтой болно. Одоогоор бид 3 болон 4 хэмжээстийн хооронд амьдарч байгаа хэдий ч тун удахгүй 5 хэмжээстэд шилжин орох юм. Дэлхий дээрх хамгийн хүчирхэг хууль бол Таталцлын Хууль буюу дотооддоо байгаа зүйлсээ эерэг, сөрөг байхаас нь үл хамааран өөртөө татах хууль юм. Харин Солонгон ауратай хүмүүс хүн төрөлхтөнд дараах зүйлсийг заахаар ирсэн. 

2015/07/24

Гүн хар хөх (royal blue) аураны шинж чанар


Ийм өнгийн ауратай хүмүүс дотооддоо амар амгалан байдаг бөгөөд сүнслэг итгэл үнэмшилтэй буюу гүн гүнзгий шашин шүтлэгтэй байдаг. Маш үнэнч, уламжлалт зан заншлыг дагаж мөрддөг хуульч, нийгмийн ажилтан, захиргааны ажилтан гэх мэт хүмүүс хар хөх өнгийн ауратай байх нь түгээмэл. Аура нь хэт их хар хөх өнгөтэй буюу үүл үүссэн байвал сэтгэл гутралд орсон эсвэл олон ааштай болохыг илэрхийлнэ. Хар хөх ауратай хүмүүс өөрийн хайртай хүмүүстээ хэт өндөр шаардлага тавьдаггүй бөгөөд "Би хэн нэгнийг хайрлавал түүнтэй хамт байх болно. Хэрэв тэр надад хайртай бол тэр над дээр ирэх л болно" гэсэн хандлагатай байдаг. Тэд ямар нэг зүйлийг хийвэл үнэн сэтгэлээсээ, бүрэн дүүрэн хийж гүйцэтгэдэг. Тэдний үнэнч, шударга, илэн далангүй зан чанар нь хамгийн чухал давуу талууд нь юм. Хар хөхүүд бизнес эрхэлбэл тууштай байж, ажил хийвэл шургуу зүтгэдэг. 

2015/07/22

Индиго ауратай хүмүүсийн шинж чанар


Индиго буюу шөнийн тэнгэрийн гүн хөх өнгөтэй ауратай хүмүүс өөрчлөлт шинэчлэл хийх зорилготойгоор Дэлхий дээр ирсэн байдаг. Энэхүү шинэчлэлийн үр дүнд хүмүүс өөрсдийн хязгаарлагдмал итгэл үнэмшил, дадал зуршлаас салж, улмаар Дэлхий тэр чигээрээ өөрчлөгдөх юм. Энэ нь магадгүй биелүүлэхэд хэцүү зорилго хэдий ч аураны үндсэн давхарга нь индиго өнгөтэй хүмүүс уг агуу том зорилгын тодорхой хэсгийг биелүүлэх өөрийн гэсэн зорилго, үүрэг даалгавартай ирсэн байдаг. Индигочууд хүмүүсийн нүдийг нээж, нэгэн хэвийн хэвшмэл нөхцөл байдлаас салгаж, СЭРЭЭХЭЭР ирсэн. Тэд шашин, сүнслэг ойлголт, улс төр, ёс заншил, дадал зуршлын  талаарх түгээмэл үзэл бодлыг үндсээр нь эргүүлэх үүрэгтэй. Учир нь энэ цаг үед амьдарч буй хүн төрөлхтөн ӨӨРЧЛӨГДӨХ шаардлагатай байгаа билээ. 

2015/07/21

Нил ягаан (violet) ауратай хүмүүсийн шинж чанар


Нил ягаан (violet) ауратай хүмүүс энэ Дэлхий дээр амар амгаланг тогтоож, хүмүүсийг хооронд нь холбож, эдгээн эмчлэх хүчирхэг зорилготойгоор ирсэн байдаг. Тэдэнд энэ Дэлхийг аврах хамгаалах хариуцлага ноогдсон. Нил ягаанууд олон төрлийн далд мэдрэмж, ур чадвартай бөгөөд энэ бүх авьяасууд нь Дэлхий даяныг эдгээх, эмчлэх, тайвшруулах, энх тайвныг тогтооход чиглэгдсэн байдаг. Индигочууд хуучин парадигм, хэрэггүй системийг өөрчилж, эвдэх зорилготой ирсэн байхад нил ягаанууд Индигочуудын өөрчилж, эвдсэн зүйлсийг эдгээж, цэгцэлж, эвлэрүүлэх зорилготой. 

Дээд би буюу өөрийн оршихуйтайгаа холбогдох нь


Та хэзээ нэгэн цагт өөрийн дотор орших сүнснийхээ талаар бодож байсан байх. Тэгвэл тэрхүү сүнс яагаад энэ биеийг тань сонгож авч дотор чинь оршин буйн зорилгыг мэдэхийг хүсэхгүй байна гэж үү. Үүний тулд та өөрийн дотоод оршихуйтайгаа холбогдон түүнээсээ өөрийнхөө зорилгыг олж аваарай. Энэ нь бидний ярьдгаар АМЬДРАЛЫН ЗОРИЛГО юм шүү. 

2015/07/03

Кристал аура


Кристал ауратай хүн ховор байдаг. Зарим хүний аураны хоёр дахь давхарга кристал өнгөтэй байх нь бий. Гэвч аураны үндсэн буюу суурь давхарга кристал байх нь тун ховор. Кристалуудыг аура хамелеон гэж нэрлэх нь бий. Учир нь кристал ауратай хүн бусад хүмүүсийн аураны өнгийг тольдон тусгаж байдаг. Тэд хүн бүрийн дотор орших эерэг, сөрөг талуудыг ойлгох ба өөрийн "жинхэнэ" өнгө төрхийг гаргах нь ховор.

Теслагийн Давтамж


ДНХ гэдэг нь амьд организмын удамшлын мэдээллийг агуулдаг молекул юм. Уг молекулд амьд биетийн биологийн мэдээлэл тэр чигээрээ агуулагдсан байдаг. Хүний ДНХ 12 сүлжээстэй бөгөөд эрдэмтэд эдгээрээс нь 2 сүлжээс нь идэвхтэй байдгийг тогтоосон ба үлдсэнийг нь идэвхгүй ДНХ гэж нэрлэдэг. Гэвч энэхүү идэвхгүй ДНХ нь биднийг өөр хэмжээст, орчлон ертөнц, эх үүсвэртэй холбогдож, дотоодын мөн чанараа таньж, өөрийгөө эрүүлжүүлэн хүчирхэгжүүлэхэд чухал нөлөөтэй. Өнөөдөр та бүхэнд 19-р зууны суут эрдэмтэн Никола Теслагийн боловсруулсан 12 ДНХ-г идэвхжүүлэх аргыг танилцуулж байна. Тэрбээр амьдралынхаа туршид цахилгаан эрчим хүчтэй холбоотой судалгаа шинжилгээ хийж, олон гайхалтай нээлтийг хүн төрөлхтөнд өвлүүлсэн билээ. Никола Теслагийн олж тогтоосноор өндөр даралтын цахилгаан эрчим хүчний нөлөөллөөр бидний ДНХ-гийн ихэнх хэсэг идэвхгүй байдаг ажээ. Өндөр даралтын цахилгаан эрчим хүч нь стресс, сөрөг мэдрэмж, сэтгэл хөдлөл, итгэл үнэмшлээс үүдэн хүний биед хуримтлагдаж, ДНХ-г дарж идэвхгүй байлгадаг байна.

Индигогоос Кристал болох болон Кристал хүүхдийн асаргаа


Индиго байснаа Кристал болж хувирах нь гэнэт л өсч торнисон мэт болж, өмнө нь харж, сонсож, мэдэрч байгаагүй зүйлсээ мэдрэх шиг болно. Таны амьдрал эрс өөрчлөгдөх бөгөөд энэ бүхний дараа өмнө нь яаж амьдарч болоод байснаа гайхахад хүрнэ. Та шинээр олж авсан ур чадваруудаа ашиглан хүн төрөлхтнийг сэрээж, дэлхий ертөнцийг сэрээж буй Гэрлийн агуу тусгал болох юм. 

2015/07/02

Сүнс сэрж буйгийн 50 шинж тэмдэг, зөвөлгөө


Сүнс сэрэх буюу хүн өөрийн жинхэнэ мөн чанар, амьдралын зорилгоо таньж, өнгөрсөн үеийн асуудлуудаа шийдвэрлэж, энергийн түвшинд өөрчлөлтөнд орох үйл явцад тохиолдох 50 гол, түгээмэл шинж тэмдгийг танилцуулж байна. Уншиж танилцаад харгалзах зөвөлгөөнүүдийг амьдралдаа хэрэгжүүлээрэй.

2015/06/29

Кристалаар чакрагаа идэвхжүүлэх тухай


Байгалийн чулуу, кристал, үнэт эрдэнийн чулуунууд энергийн эмчилгээ, рейки зэрэгт түгээмэл ашигладаг. Кристал чулуу нь өөрийн энергийг алддаггүй бөгөөд, орчныхоо энергийг хувирган, тэнцвэржүүлдэг ач холбогдолтой. Кристал чулууг биедээ байлгах буюу эмчилгээнд ашигласнаар хүний энергийн бие болон үүнээс ялгарах цахилгаан соронзон долгионтой холбогдон тэнцвэржүүлэн, хүчирхэгжүүлдэг. Мөн кристалын бүтцээс хамаараад энергийн давтамж, үйлчлэл нь ялгаатай байдаг. Энэ ч утгаараа нээж, балансжуулах чакрандаа нийцсэн кристалыг сонгон авч ашиглах нь онцгой үр дүнтэй. 

Титэм чакраны засал


Титэм чакра буюу Сахасрара гэдэг санскрит үг нь "1000 дэлбээт бадам лянхуа" гэсэн утгатай. Энэ чакра толгойны оройд байралдаг. Суурь чакра биднийг Эх Дэлхийтэй холбодог шиг уг хүрдээр дамжуулан бид Бурхан буюу Ертөнцтэй холбогддог. Энэ хүрд бол биднийг материаллаг болон материаллаг бус ертөнцүүдтэй холбох гарц юм. Уг хүрдээр дамжуулан бид өөрийн хязгааргүй ариун мөн чанарыг таньж гэгээрэлд хүрдэг. Титэм чакрагаар дамжуулан бид бүх зүйлтэй холбогдож, бүх зүйлийг энэрэн нигүүлсэж, мөнхийн амар цэнгэл, хязгааргүй билэг ухааныг олж авдаг. Бид амьдрал бол бидний ухамсрын нэг хэсэг бөгөөд бид амьдрал хэмээх зүүдийг зүүдэлж буй зүүдлэгчид болохыг ухаарна. Бүх зүйл бидний давтагдах бодлоос үүсэх далд ухамсрын итгэл үнэмшлээс үүдэлтэй болохыг ухаарснаар амьдрал хэмээх зүүдээ удирдаж эхэлдэг. 

Ажна чакраны засал


Билгийн мэлмий чакра нь бидний оюун санаатай холбоотой. Бидний хүсэл мөрөөдөл, зорилго, үнэ цэнэ, шинэ санаа, өөрийн талаарх үзэл бодол энэ чакратай холбоотой. Бид өөрсдийн бодлоор дамжуулан өөрийгөө илэрхийлж, мөрөөдлөө биелүүлдэг. Бид бясалгал хийх замаар дотоод мэдрэмжээ хөгжүүлснээр амьдралд тохиож буй бүх зүйлсийг өөрийн бодлоос тусгаарлан яг байгаагаар нь харж, хүлээн авч сурдаг. Бид өөрсдийн амьдралыг өөрсдийн бодлоор бүтээдэг болохыг ойлгоно. Билгийн мэлмий бол дээд ухамсарт хүрэх үүд хаалга юм. Бид бүрэн дүүрэн гэгээрэлд хүрснийхээ дараа бүх зүйл нэгдмэл цогц болохыг ойлгож, бие биенээсээ салангид тусдаа мэт байдал бол хий хоосон ойлголт болохыг олж мэддэг.  

Хоолойн чакраны засал

Хоолойн хүрд буюу Вишуддха чакра нь бидний хэл  яриа, бүтээлч илэрхийллийг зохицуулдаг. Энэ хүрд хүний үнэнч шударга байдал, өөрийгөө илэрхийлэх чадвар зэргийг тодорхойлдог. Энэ хүрдээр дамжуулан бид өөрсдийн сонголтыг илэрхийлж, улмаар бидний сонголт том, жижиг байхаас үл хамааран үр дагавартай болохыг ухаардаг. Уг хүрд хүзүүний суурь хэсэгт, эгэмний хооронд байрлана. Хоолойн чакраг ариуслын төв гэж үздэг бөгөөд учир нь энерги уг хүрдээр дамжин материаллаг ертөнцөд шилжин хувирдаг. Бидний амьдралын амжилт, доройтол нь уг чакраны ариуслын түвшнээс хамаарна. Гэмшил, харууслын мэдрэмж энэ хүрдийг амархан бөглөж орхидог тул бид үнэн сэтгэлээ илэрхийлж сурах нь  чухал байдаг. Бусдад хүмүүст дургүйцэх, үүнийгээ үгээр илэрхийлэх нь бүхий л чакрануудын тэнцвэрийг алдагдуулж байдаг. Иймээс хүмүүсийн талаарх харах өнцгөө өөрчилж, бусад хүмүүсийн сөрөг талуудыг харахын оронд эерэг талуудад анхаарал хандуулах хэрэгтэй. Бид бусад хүмүүсийн алдаа дутагдлыг чичлэхийн оронд оруулж буй хувь нэмрийг үнэлж, талархах нь чухал. 

Чакра тэмплэйт

Чакра баланстай байх шинж тэмдэг: 
Хэт идэвхтэй чакра: 
Идэвхгүй чакра: 
Чакраны тэнцвэр алдагдсаны шинж тэмдэг: 


ЧАКРА БАЛАНСЖУУЛАХ АРГУУД


Үг: 
Өнгө: 
Холбогдох эрхтэн: 
Ээлтэй чулуунууд: 
Хоол хүнс:  
Үнэр: 
Байгаль: 
Дуу хөгжим, тарни: 

КРИСТАЛ АШИГЛАЖ ЧАКРА БАЛАНСЖУУЛАХ АРГА


Кристал чулуунууд маш цэгцтэй молекулын бүтэцтэй байдаг бөгөөд өөрийн энергийн давтамжийг хадгалж, орчны энергийг хувирган өөрчилдөг ид шидтэй. Кристал ашиглан чакра балансжуулах арга маш үр дүнтэй бөгөө ердөө 2-3 цагийн дотор чакра зөв эргэлтэнд орж, тэнцвэржсэн байдаг. Хувилгаан чакраны засал хийхэд улбар өнгийн лаа, суурь чакраны кристал чулуунууд, суурь чакраны хөгжим байхад л хангалттай. Хэрэв та дүүжин ашигладаг бол засал хийхээс өмнө чакраны эргэлтийн чиг, энерги алдагдлын хувийг өөрөө тодорхойлж болно. Заслын дараа дүүжингээр дахин шалгаж үр дүнг нь хэмжих боломжтой. 


Энэхүү заслыг хийхдээ нам гүм, тайван орчинд орон дээр эсвэл газар дээш харан хэвтэхэд бэлтгээрэй. Засал хамгийн багадаа 1-2 цаг үргэлжилнэ. Удаан хэвтэхэд даарч магадгүй тул хөнжил, нөмрөг бэлдээрэй. Хувилгаан чакра буюу сээрний харалдаа улаан өнгөтэй лааг асаан байршуулна. Эсвэл олон лаа асаагаад тойруулаад тавьж болно. Хувилгаан чакра идэвхжүүлэх кристал чулуунуудыг сээрэн дээр буюу тухайн чакратай ойролцоо газар биен дээрээ байрлуулна. Эсвэл биед ойр газар тавьсан ч болно. Мөн өмнө дурдсан суурь чакраны үнэртэй тосоор биеэ тослох буюу орчиндоо шүршиж болно. Тэгээд чакра идэвхжүүлэх хөгжим сонсох буюу чакраны идэвхжүүлэх тарни уншаад тайван хэвтээрэй. Засал хийх явцад хөгжмөө унтраагаад унтаж бас болно. Мөн заслын үеэр бие хүндрэх, нойр хүрэх, халуун, хүйтэн оргих, энерги мэдрэгдэх гэх мэт шинж тэмдгүүд илэрч болохыг анхаараарай. 

ЧАКРАНЫ ЗАСЛЫН ЧУЛУУНЫ БАГЦ


СУУРЬ ЧАКРА БАЛАНСЖУУЛАХ ХӨГЖИМНҮҮД



тарнитай ая



Дан ая


Хэрэв та дээрх зурагнууд дээр дурдсан чакраны багц чулуунууд болон 7 чакраны багц чулуу авахыг хүсвэл Facebook-ийн Crystal Shop группт хандаарай. Онлайн дэлгүүр: Crystal Shop 

2015/06/28

Зүрхний чакраны засал


Зүрхний хүрд буюу Анахата чакра нь хайр, баяр хөөр, аз жаргал, энэрэл нигүүслийн төв юм. Энэ хүрд биднийг харуусал гуниг, уур, хүсэл тачаал гэх мэт мэдрэмжийг мэдрүүлдэг бөгөөд энэ нь Дэлхийн амьдралыг таньж улмаар үүнийг даван туулж дээд мэдрэмжүүдийг мэдрэн, хөгжихөд тустай байдаг. Зүрхний хүрд Янг буюу эерэг энергитэй бөгөөд доод чакрануудыг дээд чакрануудтай холбож өгдөг. Энэ ч утгаараа сүнслэг хөгжил, эдгэрэлд чухал ач холбогдолтой. Зүрхний хүрд бүрэн нээгдсэн үедээ Буддистуудын ярьдагаар Махакаруна буюу Ертөнцийн Энэрэн Нигүүсэл буюу Бидний Жинхэнэ Мөн Чанарыг нээн дамжуулах хүрд болдог. Зүрхний Чакрагаар дамжуулан бид Ертөнцийн Хязгааргүй Хайрыг дамжуулан өөрийгөө болон бусдыг эмчилж илааршуулдаг. Зүрхний Хүрдийг нээх чухал зарчим бол эхлээд өөр өөрийгөө хайрлаж сурснаар бусдыг хайрлаж сурах явдал юм. 

Наран сүлжээ хүрдний засал


Наран сүлжээ буюу Манипура чакра нь хүйс ба өвчүүний төгсгөлийн дунд байралдаг. Наран сүлжээ бол хүний биеийн энергийн төв бөгөөд амин эрчим буюу прана энергийг цацруулан бүх биеэр дамжуулж байдаг. Энэ хүрднээс хүний чадал ундран гардаг. Зорьсон зүйлээ бүтээх, өөрийгөө үнэлэх үнэлэмж, жинхэнэ сэтгэл хөдлөл, тэвчээртэй, тууштай зан зэрэг нь бүгд наран сүлжээ хүрдтэй холбоотой. Сэтгэл хөдлөлийг оюун ухаанаараа ойлгож, удирдан залах боломжийг энэ хүрд нээдэг. Наран сүлжээ хүний сэтгэл хөдлөл, оюун санааг зохицуулаад зогсохгүй далд мэдрэмжийг давхар зохицуулдаг. Зөн билэг, дотоод мэдрэмж үүнтэй холбоотой.

2015/06/26

Хувилгаан чакраны засал


Хувилгаан хүрд буюу Свадистана чакра нь "мөн чанарын төв" гэгддэг. Энэ чакра хүйснээс доош 2 хуруу орчимд аарцагны дотор, ууцны харалдаа байралдаг. Дотоодын мөн чанарыг илэрхийлэх, үүрд мөнх дүрэлзэх галын дөл мэт улбар шар өнгөтэй, пирамид хэлбэртэй. Усан махбодьтой, амтлах мэдрэмжтэй холбогддог, эмэгтэй энергитэй. Хувилгаан чакра эрүүл мэнд, амьдралаас авах таашаал, мэдрэмж, бүтээлч хандлага, сэтгэл хангалуун байдалтай холбоотой. Уг чакраны тусламжтайгаар бид хүсэл тэмүүллээ биелүүлж, дэлхий ертөнцийг ид шидийн орон болгох боломжтой. Хувилгаан хүрд өөрийгөө үнэлэх үнэлэмж, харилцаа холбоог зохицуулдаг. Энэ хүрд нээлттэй, тэнцвэртэй бол таны мэдрэмж, сэтгэл хөдлөл ундран гарж, ямар ч асуудалгүйгээр өөрийгөө илэрхийлнэ. Та өөрийн хүч чадлыг бүрэн дүүрэн мэдэрч, амьдралд тохиох аливаа асуудлыг өөртөө итгэлтэйгээр даван туулна. Та амьдралыг бүрэн дүүрэн таашааж, өдөр бүрийг Бурханаас өгсөн бэлэг мэт аз жаргал дүүрэн өнгөрүүлэх болно. 

Чакраны засал


Кристал ашиглан маш амархан аргаар, хурдан хугацаанд чакра нээж, идэвхжүүлэх боломжтой. Тэгш гадарга дээр буюу газар дээш харан хэвтээрэй. Хэрэв нуруу өвддөг бол доош хараад хэвтсэн ч болно. Дэр болон зөөлөвч ашиглаж болно. Аль болох биед тав тухтай байрлал сонгоорой. Байрлалаа олсны дараа кристалуудаа харгалзах Чакранууд дээр байршуулна. Хэрэв кристалууд гулсаад байвал тэр байрлалд нь байлгаарай. Учир нь кристалууд энергийн хувьд оновчтой байршлаа өөрсдөө сонгодог юм.

2015/06/24

Суурь чакраны засал


Суурь чакра буюу Муладхара чакра нь маш чухал энергийн хүрд юм. Учир нь суурь чакра биднийг газар дэлхий, физик амьдралтай холбож, түшиг тулгуур болж байдаг билээ. Ахар сүүлний харалдаа байрлах энэхүү энергийн хүрд биеийн эрч хүчийг зохицуулж, элбэг дэлбэг, амар тайван амьдралыг бүрдүүлэхэд нөлөөлдөг. Энэ чакра улаан өнгөтэй бөгөөд куб хэлбэртэй, үнэрлэх мэдрэмжтэй холбоотой. Шороон махбодьтой, эрэгтэй энерги бүхий чакра юм. Биеийн энергийн хүрд буюу чакрануудыг тэнцвэржүүлэхийн тулд суурь чакранаас эхлэх нь зүйтэй. Учир нь кундалини буюу амин энерги энэхүү чакранаас эхлэн дээш өгсдөг. Суурь чакраг балансжуулж, газардуулга хийгээгүй тохиолдолд бусад чакрануудыг балансжуулах боломжгүй байдаг. Хэрэв таны суурь чакра нээлттэй, тэнцвэртэй байвал та амьдралдаа сэтгэл хангалуун байж ажил хэргээ амархан бүтээнэ. Амьдралд эргэлзэх эргэлзээ үгүй болж, харилцаа холбоо, мөнгө санхүү, ажил карьерын бүх зүйл сэтгэлчлэн бүтдэг болно.  

Загасны ордны ээлтэй чулуу


ЗАГАС (2/19-3/20): НИЛ ЭРДЭНЭ, СОДАЛИТ, УСАН БОЛОР нь Загасны ордны авхаалжтай, мэдрэмжтэй, олон талт чанарыг дэмжиж, далд мэдрэмж, зөн совин, бүтээлч байдлыг нэмэгдүүлдэг. Мөн үнэнч, өгөөмөр, сайхан сэтгэлийг нь дэмжинэ. Нөгөө талаас ер бусын мэдрэг байдлыг нь хянаж, сэтгэл санаагаа хянан, тэнцвэртэй, хүчтэй байхад тустай. Мөн залхуу, хойрго байдалд өртөхөөс сэргийлж тууштай, тэнцвэртэй, зорилготой байхад тусалдаг. 

Бумбын ордны ээлтэй чулуу


БУМБА (1/20-2/18): СОДАЛИТ, БАРЫН НҮД, УСАН БОЛОР нь Бумбын ордны эрч хүчтэй, тогтвортой, шударга, нөхөрсөг, тусч занг бадрааж, шинийг эрэлхийлэгч, өвөрмөц байдлыг нь дэмждэг. Нөгөө талаас тооцоотой, хэт биеэ даасан, маргаанч зан чанарыг хянахад тустай. Эдгээр зан чанарууд хэтэрвэл хөндий хүйтэн, бусдад итгэлгүй болох хандлагатай байдаг. Мөн шаргуу хөдөлмөрлөдөг болоход ач тустай. 

Матрын ордны ээлтэй чулуунууд


МАТАР (12/22-1/19): НИЛ ЭРДЭНЭ, ГАРТААМ, УСАН БОЛОР хослуулснаар Матрын ордны сэтгэл татам, тэнцвэртэй, зохион байгуулах ур чадварыг дэмждэг. Мөн амбицтай, тууштай, тэвчээртэй, хариуцлагатай, эмх цэгцтэй, зорилготой зан чанарыг бадраана. Мөн манлайлагч, хүчирхэг, урам зоригтой, шударга занд нь тустай. Нөгөө талаас Матрын ордны хэт биеэ даасан, бардам занг хянаж, хүйтэн хөндий, ганцаардмал болохоос нь сэргийлдэг. 

Нумын ордны ээлтэй чулуу


НУМ (11/22-12/21): НИЛ ЭРДЭНЭ, ЦИТРИН, УСАН БОЛОР хослол нь Нумын ордны уян хатан, эрч хүчтэй, урам зоригтой занг дэмжиж, үнэнч, сайхан сэтгэл, зорилготой, өөдрөг байдал, өгөөмөр, уран төсөөлөгч зан чанаруудыг бадраана. Нөгөө талаас Нумын ордны хэт биеэ даасан, эрх чөлөөтэй, эмзэг мэдрэмтгий зангуудыг хянахад тустай. Эдгээр занг хянаагүй тохиолдолд амалсандаа хүрч, хариуцлагатай, тууштай байж чадахгүйд хүрдэг талтай. 

Хилэнцийн ордны ээлтэй чулуунууд


ХИЛЭНЦ (10/23-11/21): НИЛ ЭРДЭНЭ, ДӨШ, УСАН БОЛОР нь Хилэнцийн ордны мэдрэмжтэй, авхаалжтай, нямбай занг дэмжиж, хөрвөх чадвар, эрч хүч, тэвчээр, уран төсөөлөл, хүсэл тэмүүллийг бадраана. Мөн зорилготой, тууштай, анхааралтай зан төлөвийг нь сайжруулна. Нөгөө талаас сэтгэлийн хөдөлгөөнөө удирдаж, хартай, өмчлөгч, түрэмгий зангаа хянаж, хэт нууцлаг, зөрүүд болохоос сэргийлдэг.

Жинлүүрийн ордны ээлтэй чулуунууд


ЖИНЛҮҮР (9/23-10/22): ХАР ГАРТААМ, САРНАЙН БОЛОР, УСАН БОЛОР нь Жинлүүрийн ордны нээлтэй, эрч хүчтэй, ухаалагч зан төлөвийг бадраамж, урлагийн мэдрэмжтэй, өөдрөг, хөнгөлүүн занг бадраана. Тэд жинлүүрийн ордны ажил хэрэгч, тэнцвэртэй байдлыг дэмждэг. Жинлүүрийн ордныхон сайхан сэтгэлтэй, халамжтай, бусадтай таатай харилцаа холбоо үүсгэж чаддаг хэдий ч ганцаараа байж чаддаггүй талтай. Харин дээрх чулуунууд нь Жинлүүрийн бие даасан байдлыг сайжруулдаг. Мөн шийдвэртээ эргэлздэг, олон ааштай, зөрүүд, шүүжлэгч, биеэ тоосон, залхуурдаг занг хянахад тусална. 

Охины ордны ээлтэй чулуунууд


ОХИН (8/23-9/22): НИЛ ЭРДЭНЭ, ГАРТААМ, УСАН БОЛОР нь Охины ордны авхаалжтай, тогтвортой, уян хатан занг дэмжиж ухаалаг, шударга, эмх цэгцтэй зан идэвхжүүлдэг. Мөн өөртөө арчаатай зан чанарыг нь сайжруулдаг. Нөгөө талаас хэт нямбай, хашир, мэдрэмтгий занг хянаснаар шүүмжлэлд гомдомхой, хүйтэн хөндий болохоос сэргийлдэг. 

Арслангийн ордны ээлтэй чулуунууд



АРСЛАН (7/23-8/22): НИЛ ЭРДЭНЭ, ГАРТААМ, УСАН БОЛОР чулуу нь Арслангийн ордны хөгжилтэй, эрч хүчтэй, нямбай занг идэвхжүүлж бүтээлч, өглөгч, халамжтай, зорилготой занг дэмждэг. Нөгөө талаас Арслангийн ордны хүчирхэг, өөртөө итгэлтэй, сэтгэл татам зан чанаруудыг эзэрхэг, зөрүүд зан болж хувирахаас сэргийлнэ. 

Мэлхийн ордны ээлтэй чулуунууд


МЭЛХИЙ (6/21-7/22): САРНАЙН БОЛОР, ГАРТААМ, УСАН БОЛОР чулууны хослол нь Мэлхийн ордны сэтгэлийн хөдөлгөөнтэй, бусдыг өөртөө татдаг, нээлттэй чан чанарыг идэвхжүүлдэг. Эдгээр чулуу Мэлхийн ордны сайхан сэтгэл, үнэнч байдал, оюун ухаан, уран төсөөллийг бадраана. Нөгөө талаас эмзэг, нууцлаг талыг хянахад тустай. Энэ зан чанаруудыг хянаагүй тохиолдолд өөртөө итгэлгүй, өмчлөх, харамлах дуртай болох нь бий. Мөн дээрх ивээл чулуу нь Мэлхийн ордны ууртай цухалдуу занг багасгаж, өнгөрсөн, ирээдүйг бодон сэтгэлээ зовоохыг болиход нь тусална.